նախընտրելի դարձնելԻրաքի իշխանություններն «Իսլամական պետություն» ահաբեկչական խմբավորման դեմ պատերազմի հետեւանքով պատճառված վնասը գնահատել են 100 միլիարդ դոլար եւ հույս ունեն, որ 10 տարիների ընթացքում աստիճանաբար տուժած տարածքները կվերականգնվեն: Այս մասին հայտարարել է Իրաքի կառավարության պաշտոնական ներկայացուցիչ Սաադ ալ Հադիսին «ՌԻԱ Նովոստիի»-ն տված հարցազրույցում։
Իրաքի վարչապետ Հայդեր ալ Աբադին անցյալ տարվա դեկտեմբերին հայտարարել էր երկրում ԻՊ-ի դեմ պատերազմի հաղթական ավարտի մասին։
«Պլանավորման նախարարությունը երեքից չորս շաբաթ աշխատել է ԻՊ-ից տարածքների ազատագրման համար պատճառված վնասների հաշվարկի վրա, ներկայացրել են ուսումնասիրություն, որը ընդունել է կառավարությունը, դա ազգային վերականգնման պլան է»,-նշել է ալ Հադիսին։
Նա հավելել է, որ Իրաքի իշխանություններն հաշվարկել են երկրում պետական կառույցների, ենթակառուցվածքների, ծառայությունների ոլորտի եւ հասարակական շենքերի վերականգնման համար անհրաժեշտ գումարը:
«Կորուստը․․․ գնահատվել է 100 միլիարդ դոլար, այս գումարով կառավարությունն նախատեսում է աշխատել 10 տարի այդ տարածքների աստիճանական վերականգնման համար ընդունված փաստաթղթերի շրջանակներում»,-շեշտել է կառավարության ներկայացուցիչը:
2017 թվականին Իրաքի զինվորականները ազատագրել են երկրի երկրորդ մեծ քաղաքը՝ Մոսուլը, ինչպես նաեւ մի շարք այլ տարածքներ, ներառյալ՝ Սիրիայի հետ սահմանին գտնվող Անբար նահանգը:
