Թվային տեխնոլոգիաների, մշակույթի, սպորտի եւ ԶԼՄ-ների նախարար Մեթ Հենքոկը առաջին բրիտանացի խորհրդարանականն է, ով իր մասին բջջային հավելված է ստեղծել, հաղորդում է «ՌԻԱ Նովոստի»-ն:

«Պատգամավոր Մեթ Հենքոկը» անվամբ հավելվածը թույլ է տալիս տեսնել խորհրդականի հաղորդագրությունները, հարցեր ուղղել նրան եւ շփվել այլ օգտատերերի հետ:

Հավելվածը բեռնելիս սմարթֆոնների տերերին կարճ տեսաուղերձով դիմում է հենց ինքը՝ նախարարը: Հավելվածի միջոցով կարելի է ծանոթանալ նաեւ Հենքոկի հոդվածներին, լսել նրա հրապարակային ելույթներն ու տեսնել լուսանկարները: