Ավստրալիայի խորհրդարանի անդամ Թիմ Ուիլսոնը հիշել է Հայոց ցեղասպանությունը՝ հատուկ ուշադրություն հրավիրելով ավստրալացիների ջանքերին Հայոց ցեղասպանությունը վերապրածներին աջակցություն ցուցաբերելու գործում: Ավստրալիայի խորհրդարանում իր ելույթի ընթացքում Ուիլսոնը, ով հայկական արմատներ ունի, անդրադարձել է Հայոց ցեղասպանության թեմային:

Ըստ նրա՝ հայերի վտարումն Օսմանյան Թուրքիայից հանգեցրել է ավստրալացիների մոբիլիզացմանը: «Այսօր մենք հարգում ենք զոհված հայերի, ինչպես նաեւ վիկտորիականների եւ ավստրալացիների հիշատակը, ովքեր համախմբվել են աջակցության հարցում»,- հայտարարել է նա: Ավստրալիայի Հայ Դատի հանձնախմբի գործադիր տնօրեն Հայկ Կայսերյանը շնորհակալություն է հայտնել խորհրդարանի անդամին՝ «Ավստրալիայի պատմության նման կարեւոր հատվածին» անդրադառնալու համար: