ՆախընտրելիԱշխարհում ամենաօգտագործվող թունաքիմիկատներից մի քանիսն արգելվելու է օգտագործել դաշտերում, քանի որ դրանք սպառնում են վայրի եւ մեղրատու մեղուների առողջությանը: Ակնկալվում է, որ արգելքը ուժի մեջ կմտնի 2018 թվականի վերջին, հաղորդում է ՏԱՍՍ-ը՝ հղում անելով The Guardian թերթին:
Ապրիլի 27-ին Եվրամիության անդամ երկրները հավանության են արժանացել նեոնիկոտինոիդների արգելքը( ինսեկտիցիդների դաս, որն առավել հաճախ է օգտագործվում գյուղատնտեսության մեջ) եւ այսուհետ դրանց օգտագործումը թույլատրվելու է միան փակ ջերմոցներում:
«Հանձնաժողովն առաջարկել էր ընդունել նման միջոցներ դեռ մի քանի ամիս առաջ,-թերթը մեջբերում է առողջապահության եւ պարենային անվտանգության հարցերով եվրահանձնակատար Վիտյանիս Անդրյուկայտիսի խոսքը,-Այս հարցը առաջնային կարեւորություն ունի, քանի որ իրավիճակը սպառնում է կենսաբազմազանությանը, սննդամթերքների արտադրությանը եւ շրջակա միջավայրին»:
Սակայն թունաքիմիկատների արտադրողները եւ որոշ ֆերմերային տնտեսություններ վստահ են, որ նման արգելքը կարող է նվազեցնել հացահատիկային կուլտուրաների բերքը: «Եվրոպական գյուղատնտեսությունը կտուժի այս որոշման արդյունքում,-ասել է Բույսերի պաշտպանության եվրոպական ասոցիացիայից Գրեմ Թեյլորը:
