նախընտրելի դարձնել
ՀՀ նախագահ Արմեն Սարգսյանի հրամանագրով Լեւոն Վահրադյանը նշանակվել է ՀՀ սպորտի եւ երիտասարդության հարցերի նախարար:
ՀՀ նախագահի հրամանագրում, մասնավորապես, ասվում է.
Հիմք ընդունելով վարչապետի առաջարկությունը` համաձայն Սահմանադրության 150-րդ հոդվածի.
Լեւոն Վահրադյանին նշանակել սպորտի եւ երիտասարդության հարցերի նախարար:
Լեւոն Վահրադյանի կենսագրությունը
Ծնվել է 1984 թվականի հունվարի 21-ին Շիրակի մարզի Արթիկ քաղաքում։
1990-2000 թթ սովորել եւ ավարտել է Արթիկ քաղաքի թիվ 7 միջնակարգ դպրոցը։
2000-2004 թթ սովորել եւ ավարտել է Երեւանի ֆիզիկական կուլտուրայի հայկական պետական ինստիտուտը։
2004-2006թթ ծառայել է ՀՀ զինված ուժերում։
2006-ից 2010-ին Երեւանի ֆիզիկական կուլտուրայի պետական ինստիտուտում աշխատել է որպես դասախոս։ Զուգահեռաբար մարզել է ՀՀ բասկետբոլի պատանիների հավաքականը։
2007-2012թվականներին աշխատել է Երեւանի համար 13 մանկապատանեկան համալիր մարզադպրոցում, որպես մարզիչ։
2010-2012թթ սովորել եւ ավարտել է ՀՀ Պետական Կառավարման ակադեմիան։
2012-2013թթ աշխատել է ՀՀ Սպորտի եւ երիտասարդության հարցերի նախարարի օգնական։
2013-2014 թթ աշխատել է Հայաստանի «Ազգային Օլիմպիական Կոմիտե» իրավաբանական անձանց միությունում որպես կադրերի, գործերի կառավարման եւ արձանագրային բաժնի պետ։
2014-2015 թթ աշխատել է ՀՀ սպորտի եւ Երիտասարդության հարցերի նախարարության «Թիավարության մարզաձեւերի օլիմպիական մանկապատանեկան» դպրոցի տնօրեն։
2015-2016թթ աշխատել է ՀՀ Սպորտի եւ երիտասարդության հարցերի նախարարի խորհրդական։
2016 թվականի հունիսից աշխատում է ՀՀ Սպորտի եւ երիտասարդության հարցերի նախարարության «Մասսայական սպորտի եւ ֆիզիկական դաստիարակության քաղաքականության» վարչության պետ։
Ամուսնացած է, ունի մեկ դուստր։
