նախընտրելի դարձնել
Ջերմուկցիները արդեն 8-րդ օրն է փակ են պահում դեպի Ամուլսար տանող ճանապարհները: NEWS.am-ի հետ զրույցում այս մասին տեղեկացրեց «Ջերմուկի զարգացման կենտրոն» ՀԿ նախագահ Վազգեն Գալստյանը:
«Մենք շարունակում ենք մեր բողոքի ակցիան ընդդեմ հանքի շահարգործման, արդեն 8-րդ օրն է՝ փակ ենք պահում հանք տանող բոլոր ճանապարհները: Մեր պահանջը միակն է՝ դադարեցնել հանքի շահագործումը»,-ասաց նա:
Վազգեն Գալստյանը նշեց, որ իրենք վաղը այս պահանջով նաեւ երթ են անելու Ջերմուկ քաղաքում:
Նշենք, որ երեկ Ամուլսարի հանքի աշխատողները փակել էին Ջերմուկ տանող ճանապարհը, կոտրել քաղաք գնացող մեքենաներից մեկի ապակին, սակայն ավելի ուշ բացել էին ճանապարհը:
«Լիդիան Արմենիա» ընկերության գործադիր տնօրեն Հայկ Ալոյանը հայտարարել էր, որ բողոքի ակցիաների պատճառով իրենք արդեն 3,5 միլիոն դոլարի վնաս են կրել:
