նախընտրելի դարձնելԵվրախորհրդի խորհրդարանական վեհաժողովի (ԵԽԽՎ) աշնանային նստաշրջանի օրակարգում ընդգրկված է նաեւ Ռուսաստանի խորհրդարանական պատվիրակությանը ձայնից զրկելու հարցը:
Ռուսաստանի Պետդումայի միջազգային հարցերով հանձնաժողովի նախագահ, ԵԽԽՎ-ում Ռուսաստանի խորհրդարանական պատվիրակության ղեկավար Կոնստանտին Կոսաչովը լրագրողներին հայտնել է, որ ԵԽԽՎ-ում տարբեր երկրներ ներկայացնող 72 պատգամավորների նախաձեռնությամբ օրակարգ մտած հարցը քննարկվելու է սեպտեմբերի 30-ին, իսկ նախորդ օրը ԵԽԽՎ-ի լիագումար նստաշրջանում քննարկվելու է «Վրաց-ռուսական պատերազմից մեկ տարի անց» վերնագրով զեկույցը:
Նա հայտնել է նաեւ, որ այդ քննարկումներին ՌԴ պատվիրակությունը չի մասնակցելու, «որեւէ մեկը դահլիճ չի մտնելու»: Նրա խոսքով` ռուս պատվիրակները կլքեն դահլիճը, եթե ԵԽԽՎ-ն քվեարկի ձայնի իրավունքից իրենց զրկելու օգտին:
Պետդումայի հանձնաժողովի նախագահը չի բացառել, որ Ռուսաստանի ընդդիմախոսները կարող են մոբիլիզացնել երկրի բոլոր հակառակորդներին, եւ քվեարկությունը այդ դեպքում կլինի ոչ հօգուտ Ռուսաստանի:
