նախընտրելի դարձնել
ԱՄՆ-ն եւ Չինաստանը հեռու են առեւտրային տարաձայնությունների լուծումից, սակայն իրական հնարավորություն կա, որ 2 երկրները կհասնեն առեւտրային գործարքի: CNBC-ի հետ հարցազրույցում այս մասին հայտարարել է ԱՄՆ առեւտրի նախարար Ուիլբուր Ռոսը:
Նրա խոսքով՝ 30 մարդուց կազմված չինական մեծ պատվիրակությունը նախատեսում է հաջորդ շաբաթ Վաշինգթոն այցելել առեւտրային բանակցությունների հերթական ռաունդի անցկացման համար, քանի որ 2 կողմերը փորձում են իրենց առեւտրային վեճերի լուծման համար տեղավորվել մինչեւ մարտի 1-ը սահմանված ժամկետի մեջ:
«Մեծ աշխատանք է կատարվել, բայց մենք լուծումից հեռու ենք, եւ անկեղծ ասած՝ դա չպետք է զարմանք հարուցի,- ասել է Ռոսը: - Առեւտուրը շատ բարդ ոլորտ է, շատ խնդիրներ կան»:
Նրա խոսքով՝ առավել կարեւոր են կառուցվածքային բարեփոխումները, որոնք, Վաշինգթոնի կարծիքով, անհրաժեշտ են չինական տնտեսությանը:
