Այսօր` ապրիլի 9-ի վաղ առավոտից Մյասնիկյան պողոտայում երթեւեկությունը կաթվածահար էր խոշոր ավտովթարի պատճառով: Միմյանց են բախվել «Նիսսան», «Լադա 099», «Օպել» եւ «Ինֆինիտի» մակնիշի ավտոմեքենաները։ «Օպելը» գլխիվայր շրջվել է ու գրեթե ամբողջապես փակել փողոցը:

Մյասնիկյան պողոտայի վթարի հետեւանքով դժվարանցանելի են նաեւ Մյասնիկյանի պողոտան շրջանցող հարակից ճանապարհները:

«Օպելի» վարորդը տեղափոխվել է հիվանդանոց` բուժզննման, նախնական տեղեկություններով նա թեթեւ վնասվածքներ ունի։ Մյուս մեքենաների վարորդերն ու ուղեւորները չեն տուժել։

Պողոտայի երթեւեկությունը տեւական ժամանակ կաթվածահար էր եղել։ Ավելի ուշ երթեւեկություը կարգավորվել է, ճանապարհը բաց է։

Լուսանկարը՝ Զոհրապ Եգանյանի ֆեյսբուքյան էջից