Հայկական օրենսդրության եւ մասնավորապես «Լեզվի մասին» օրենքի համաձայն՝ պետական կառույցները պարտավոր են փաստաթղթերը ձեւակերպել կա՛մ գրական հայերենով, կա՛մ ունենան հայերենով թարգմանված փաստաթղթերի հավելված: Ապրիլի 16-ին ԱԺ նիստում Սահմանադրական դատարանի դատավորի պաշտոնի թեկնածուի քննարկման ժամանակ ասաց ԱԺ խոսնակ, իշխող «Իմ քայլը» դաշինքի պատգամավոր Արարատ Միրզոյանը:

Միրզոյանի խոսքով՝ Գոռ Հովհաննիսյանն այս ամենը չուներ, քանի որ նախագահի քննարկմանը ներկայացված փաստաթղթերի մեծ մասը օտար լեզվով էր, ինչը խախտում է: Դրանից բացի,  խորհրդարանի խոսնակը շեշտեց, որ Հովհաննիսյանը նաեւ չի ներկայացրել իրավագիտության ոլորտում աշխատանքի ստաժի առկայության ապացույցները, «քանի որ այս փաստաթղթերի հայերեն տարբերակները նույնպես առկա չէին»:

Նշենք, որ խորհրդարանական ընդդիմությունն ավելի վաղ իշխող «Իմ քայլը» դաշինքին մեղադրել էր, որ նրանք եւ գործող իշխանությունը ցանկանում են ՍԴ դատավորի պաշտոնում տեսնել փաստաբան Վահե Գրիգորյանին, որը բնակվում է Լոնդոնում, որի թեկնածությունը քվորումի բացակայության պատճառով այդպես էլ հավանության չարժանացավ նախորդ գումարման խորհրդարանում: