Հայաստանում հասարակայնության հետ կապերի ոլորտում առաջատար ընկերություններից մեկը՝ SPRING PR-ը  Հասարակայնության հետ կապերի միջազգային ասոցիացիայի՝ IPRA-ի հետ միասին համագործակցության նոր նախագիծ են մեկնարկում:

Այս տարի  PR-ի ոլորտում նշանակալի նվաճումներն արձանագրող միջազգային Golden World Awards մրցանակաբաշխությունը  եւ տարվա Գալա-ընթրիքը տեղի կունենան Հայաստանի Հանրապետության մայրաքաղաք Երեւանում:

IPRA-ն եւ SPRING PR-ընկերությունը հանդես են գալիս հայտարարությամբ՝ հրավիրելով  տեղական եւ տարածաշրջանային ընկերություններին, PR-գործակալություններին, միջազգային եւ պետական կառույցներին մասնակցելու մրցույթին՝ նեկայացնելով իրենց հաղորդակցմանը վերաբերող լավագույն նախագծերը։

Մրցույթն այժմ բաց է, դիմումների ընդունման վերջնաժամկետը 2019 թվականի մայիսի 13-ն է։ Մանրամասներին կարող եք ծանոթանալ  www.ipra.org  կայքում։

IPRA-ի եւ SPRING PR-ի համագործակցությունը  հասարակայնության հետ կապեր մասնագիտության համար զարգացման նոր հեռանկարներ կստեղծի հաղորդակցությունների ոլորտում ձեռքբերումներն ու գործունեությունը ներկայացնելու համար։

IPRA-ի գլխավոր քարտուղար Ֆիլիպ Շեփարդը նշում է. «IPRA-ի Golden World Awards մրցանակաբաշխությունն անցկացվում է աշխարհի տարբեր երկրներում: Մեզ հյուրընկալած վերջին քաղաքներից են Բարսելոնան, Սոֆիան, Դոհան, Յոհանեսբուրգը: Մենք ուրախ ենք, որ այս տարի աշխարհի PR հանրույթին միավորելու եւ հյուրընկալելու ենք գեղեցիկ եւ հրաշալի Երեւանում»:

«Սա մեծ իրադարձություն է ինչպես մեր երկրի, այնպես էլ մեր թիմի համար, քանի որ այս տարի SPRING PR-ը նշում է իր գործունեության 10-ամյակը: Հրաշալի առիթ է հոբելյանական տարեդարձը նշել մեր գործընկերոջ՝ Միջազգային PR ասոցիացիայի հետ համատեղ այս մեգամիջոցառմամբ», - նշում է SPRING PR- ընկերության համահիմնադիր եւ հաղորդակցման ու միջազգային նախագծերի ղեկավար Տաթեւիկ Սիմոնյանը։