նախընտրելի դարձնելՎստահ եմ, որ ԱՀ-ում ավելի բարձր տնտեսական ցուցանիշներ կունենանք: Այս մասին Արցախի նախագահ Բակո Սահակյանի մոտ Արցախի կառավարության անդամների եւ ՀՀ Կենտրոնական բանկի ներկայացուցիչների մասնակցությամբ տեղի ունեցած հանդիպումից հետո «Արցախպրես»-ի հետ զրույցում ասել է Հայաստանի Հանրապետության Կենտրոնական բանկի նախագահ Արթուր Ջավադյանը:
Նշենք, որ հանդիպումը նվիրված էր Արցախի տնտեսության մեջ բանկային համակարգի ներգրավվածությանը:
Ջավադյանը, մասնավորապես, ասել է. «Խորհրդակցությանը ներկա էին ավելի քան 10 բանկերի ղեկավարներ, որոնք արդեն ներգրավված են ԱՀ տնտեսության մեջ: Մենք քննարկել ենք Արցախի տնտեսությունում նոր գործիքների եւ նոր տեխնոլոգիաների կիրառման հնարավորությունների, ինչպես նաեւ բանկային ծառայություններն օգտվողներին ավելի հասանելի դարձնելու վերաբերյալ հարցեր:
Անդրադարձել ենք նաեւ մի շարք նոր ծրագրերի, մասնավորապես, Արցախի իշխանությունների կողմից ներկայացվելեն բնակարանաշինության նոր ծրագրերը:
Այս հանդիպումը նոր ակտիվություն է հաղորդել ոլորտի պատասխանատուների մոտ: Վստահ եմ, որ ավելի բարձր տնտեսական ցուցանիշներ կունենանք տարվա վերջին, եւ մեր ներգրավվածությունն ավելի շատ կլինի Արցախի տնտեսությունում»:
