նախընտրելի դարձնել
Այս օրինագծով առաջարկվում է մեկ տարի ժամկետով հարկերը չեղարկվել այն հարկատու գյուղացիների համար, որոնց գյուղատնտեսական հանդերի ոչ պակաս 50 տոկոս տարածքը կարկուտի հետեւանքով վնասվել է: Այս մասին հունիսի 3-ին ԱԺ նիստում Հարկային օրենսգրքում լրացումներ կատարելու մասին օրինագծի քննարկման ժամանակ ասաց «Բարգավաճ Հայաստան» կուսակցության պատգամավոր Ջանիբեկ Հայրապետյանը:
Խորհրդարանականի կարծիքով՝ այս օրինագիծը թույլ կտա զգալիորեն մեղմել գյուղացիների ֆինանսական բեռը, որոնք, Հայրապետյանի գնահատմամբ, վերջին տարիներին բավական դժվարին վիճակում են հայտնվել եւ պետական հոգածության ու աջակցության կարիք ունեն:
Խորհրդարանի ԲՀԿ կողմից ընտրված փոխխոսնակ, հիմնական զեկուցող Վահե Էնֆիաջյանն իր հերթին աջակցեց գործընկերոջ եւ կուսակցի դիրքորոշումը՝ հավելելով, որ այս օրինագիծն, ըստ էության, հեղափոխական է եւ իսկապես կարող է մեղմել հայ գյուղացիների ֆինանսական բեռը:
