նախընտրելի դարձնել
«Երիտասարդ ընտանիքին մատչելի բնակարան» պետական հիփոթեքային ծրագրից Գյումրիում օգտվում են սահմանափակ թվով երիտասարդ ընտանիքներ: Բանն այն է, որ ծրագիրը, որը նպատակ ունի երիտասարդ ընտանիքներին վարկավորման միջոցով ապահովել բնակարանով, Շիրակի մարզում չի գործում , քանի որ երիտասարդ քիչ ընտանիքներ կան, որ ապահովված են կայուն ու բարձր աշխատավարձով:
«Հայբիզնեսբանկի» Գյումրիի մասնաճյուղի կառավարիչ Լեւոն Գասպարյանի փոխանցմամբ, այդ առումով ակտիվություն նկատվում է եւ շատ ընտանիքներ սկսել են դիմել, հետաքրքրվել, բայց քչերն ունեն կայուն եկամուտ, դրա համար օգտվել չեն կարող:
Իսկ անշարժ գույքի գործակալության ղեկավար Արարատ Պապոյանն էլ NEWS.am-ի թղթակցի հետ զրույցում ասել է.«Ռուսաստանում օրինակ այդ խնդրին ավելի օպտիմալ լուծում է տրվել. Կառավարությունը անտոկոս երկարաժամկետ վարկեր է տրամադրում երիտասարդ ընտանիքներին: Բնակարանները պետական են ու 20 -30 տարի քիչ -քիչ վճարելով այդ բնակարանի շուկայական արժեքը` ընտանիքն այն սեփականացնում է` չունենալով մտավախություն, թե կարող է կորցնել այն: Մեր պարագայում բնակարանը ոչ թե ընտանիքինն է կամ պետությանը այլ փաստացի բանկի սեփականությունն է ու երիտասարդ շատ ընտանիքներ մտավախություն ունեն, որ չեն կարողանա վճարել ու կկորցնեն բնակարանը»:
