նախընտրելի դարձնել
Հայաստանի կառավարությունն ընդհանուր կրթական համակարգում սկսել է մի շարք ծրագրեր իրականացնել, մասնավորապես, խոսքը պետական ծառայողների նկատմամբ պահանջների փոփոխությունների մասին է: Այս մասին այսօր՝ դեկտեմբերի 20-ին, Ազգային ժողովի Կրթության, գիտության, մշակույթի, սփյուռքի, երիտասարդության եւ սպորտի հարցերով մշտական հանձնաժողովի կողմից նախաձեռնված «Կրթության ոլորտում բարեփոխումները, առաջիկա ռազմավարական մարտահրավերները» թեմայով լսումների ընթացքում հայտարարեց ԿԳՄՍ նախարար Արայիկ Հարությունյանը:
Նրա խոսքով՝ արդեն հաջորդ տարվա սկզբին կգրանցվեն որոշակի արդյունքներ, եւ արդեն սեպտեմբերից «կսկսվեն փորձարկումները»: «Փորձագետները կասեն, որ նման մասշտաբային աշխատանքների իրականացման համար տարիներ կպահանջվեն, ինչից հետո կարելի է որոշակի արդյունքներ տեսնել, սակայն մենք ենթադրում ենք, որ առարկաների, ինչպես նաեւ գրքերի նկատմամբ պահանջները փոփոխությունների կենթարկվեն մինչեւ 2023 թվականը»,- ասել է նախարարը՝ հավելելով, որ որոշ փոփոխություններ արդեն իրականացվում են, սակայն դրանք չեն կրում համակարգային բնույթ, այլ միայն «իրավիճակային» են:
