նախընտրելի դարձնել
Լիբիայի իշխանությունները Քաթարին մեղադրել են ապստամբներին ֆրանսիական Euromissile ընկերության արտադրության հակատանկային Milan հրթիռների մատակարարման համար:
Նման հայտարարությամբ ապրիլի 13 –ին Տրիպոլիում հանդես է եկել Լիբիայի փոխարտգործնախարար Հալեդ Քաիմը: Ըստ նրա` Քաթարը նաեւ Բենգազի է ուղարկել ռազմական խորհրդատուների` ապստամբներին աջակցելու համար, գրում է Lenta.ru-ն:
Ավելի վաղ հաղորդվել էր, թե Քաթարը մտադիր է լիբիական ապստամբներին հակատանկային հրթիռներ ուղարկել: Ապստամբ ուժերի հրամանատար Աբդել Ֆաթահ Յունիսը հայտարարել էր, թե Քաթարը Բենգազի է ուղարկել ռազմական ինստրուկտորների` հրթիռներից եւ այլ ռազմատեխնիկայից օգտվելու կանոններն ուսուցանելու համար:
Իր հերթին ընդդիմադիր Ազգային անցումային կառավարության ներկայացուցիչներն ապրիլի 13-ին հայտարարել էին, թե բանակացություններ են վարում մի շարք բարեկամ երկրներից զենքի մատակարարման վերաբերյալ:
