նախընտրելի դարձնել
Պետեկամուտների կոմիտեի ղեկավարությունը սպասարկման ոլորտի բարեփոխումների, ընթացակարգերի պարզեցմանը նպատակաուղղված փոփոխությունների մասին հարկ վճարողներին իրազեկելու նպատակով հանդիպում է ունեցել Խորհրդայինի, Կենտրոնի եւ Մյասնիկյանի հարկային տեսչությունների հարկ վճարողների հետ: Տեղում քննարկվել են նրանց հուզող հարցերը, տրվել պարզաբանումներ: NEWS.am-ին այս մասին հայտնեցին ՊԵԿ մամուլի ծառայությունից։
Տարածքային տեսչությունների ղեկավարներն արդյունավետ են գնահատել հանդիպումները:
Խորհրդայինի հարկային տեսչության պետ Դավիթ Ղալումյանն ընդգծել է, որ հարկ վճարողներին հանգամանալից պարզաբանումներ են տրվել այն փոփոխությունների մասին, որոնց արդյունքում զգալի կրճատվել է փաստաթղթաշրջանառությունը. Փաստաթղթաշրջանառության կրճատումից բացի, քայլեր են արվում նաեւ տեսչություններում սպասարկման որակը միջազգային չափանիշներին համապատասխանեցնելու համար։
ՊԵԿ կոմիտեի նախագահի տեղակալները պարզաբանել են, որ ձեռնարկատերերի գրանցման գործընթացի պարզեցման արդյունքում ներդրվել է «մեկ պատուհանի» սկզբունքը: Այն այժմ թույլ է տալիս ավելի արագ եւ առանց լրացուցիչ ծախսերի իրականացնել գրանցումը:
