նախընտրելի դարձնել
Ադրբեջանում ձերբակալել են իրավապաշտպան Վիդադի Իսկենդերովին:
Ինչպես հաղորդում է «Ազատություն» ռադիոկայանը, Բաքվի Նասիմինի շրջանային դատարանը Իսկենդերովի նկատմամբ երկամսյա կալանքի որոշում է կայացրել:
Նրան մեղադրում են ընտրողների ազատ կամարտահայտմանը խոչընդոտելու մեջ:
Փաստաբան Ակիֆ Ալիզադեն մեղադրանքներն անհիմն է համարել: Նրա կարծիքով, Իսկենդերովին հետապնդում են ակտիվ քաղաքացիական դիրքորոշման, իրավապաշտպան գործունեության եւ ընդդիմության հանրահավաքներին մասնակցելու համար: Ավելին, ըստ փաստաբանի, նա ընտրություններից հետո կեղծիքների տեսագրություններ է ցուցադրել:
Վերջին ամսում իրավապաշտպանը երկու անգամ վարչական կալանքի է ենթարկվել 5 եւ 15 օր ժամկետներով:
