Չեմպիոնների լիգայի կիսաեզրափակիչի պատասխան խաղում Մանչեսթեր Յունայթեդը տանը 4:1 հաշվով հաղթեց Շալկե-04-ին: Ֆերգյուսոնի թիմը խաղաց երկրորդ կազմով: Դուբլի հեղինակ դարձավ Անդերսոնը: Աչքի ընկան նաեւ Վալենսիան ու Գիբսոնը: Շալկեի միակ գոլի հեղինակը Խուրադոն է: Թիմերի առաջին խաղում Յունայթեդը հաղթել էր 2:0 հաշվով:

Հանդիպմանը ընթացքի տրիբունայից հետեւում էր եզրափակիչի ուղեգիրը նվաճած Բարսելոնայի գլխավոր մարզիչ Խոսեպ Գվարդիոլան:

Չեմպիոնների լիգայի եզրափակիչը տեղի կունենա մայիսի 28-ին Լոնդոնի Ուեմբլի ստադիոնում:

 

Մանչեսթեր Յունայթեդ - Շալկե-04`  4:1

Վալենսիա 26, Գիբսոն 31, Անդերսոն 72, 76 - Խուրադո 35