նախընտրելի դարձնել
Լեռնային Ղարաբաղի եւ Ադրբեջանի զինված ուժերի շփման գծում մայիսի 1- 7-ը հակառակորդը հրադադարի ռեժիմը խախտել է 350 անգամ` հայկական դիրքերը գնդակոծելով տարբեր տրամաչափի հրաձգային զենքից: Ընդհանուր առմամբ արձանագրվել է ավելի քան 2500 կրակոց:
ԼՂՀ պաշտպանության բանակի օպերատիվ տվյալների համաձայն` առավել ակտիվ գնդակոծություն է արձանագրվել մայիսի 5-ին: Այդ օրը հրադադարի ռեժիմը խախտվել է ավելի քան 70 անգամ. ադրբեջանական բանակի առաջավոր ստորաբաժանումները մոտ 500 կրակոց են արձակել Մարտունիի, Ասկերանի եւ Մարտակերտի պաշտպանական դիրքերի ուղղությամբ:
Շփման գծում հերթապահող ԼՂՀ պաշտպանական բանակի ստորաբաժանումները հավասարակշռված պատասխան գործողություններով ճնշել են հակառակորդի ակտիվությունը շփման գծի ողջ երկայնքով:
