նախընտրելի դարձնելԿաննի փառատոնի «Ոսկե արմավենին» ստացել է ամերիկացի ռեժիսոր Թերենս Մալիկը` «Կյանքի ծառ» ֆիլմի համար, որտեղ նկարահանվել են Շոն Պենն ու Բրեդ Փիթը: Փառատոնի հանդիսավոր փակման արարողությունը տեղի ունեցավ մայիսի 22-ի երեկոյան:
Փառատոնի գրան պրին բաժանեցին թուրք ռեժիսոր Նուրի Բիլգե Ջեյլանը` «Մի անգամ Անատոլիայում» ֆիլմի եւ Դարդեն եղբայրները` «Հեծանվով տղան» կինոնկարի համար:
Լավագույն կանացի դերի համար մրցանակը շնորհվեց Կիրստեն Դանստին, ով նկարահանվել էր սկանդինավցի ռեժիսոր Լարս ֆոն Թրիերի «Մելամաղձություն» ֆիլմում: Լավագույն տղամարդու դերը, ըստ քննադատների, խաղացել է Ժան Դյուժարդանը` Միշել Խազանավիչուսի «Արտիստ» ֆիլմում:
Լավագույն ռեժիսորի մրցանակն ստացավ դանիացի Նիկոլաս Վինդինգ Ռեֆնը` «Դրայվ» ֆիլմի համար:
Ռուսաստանցի ռեժիսոր Անդրեյ Զվյագինցեւի «Ելենա» ֆիլմը հաղթեց «Հատուկ հայացք» ավանակարգում:
