Լոնդոնի Արսենալի եւ Ռուսաստանի ազգային հավաքականի հարձակվող Անդրեյ Արշավինն Անգլիայի առաջնության ավարտից հետո հայտարարել է, որ իր համար մրցաշրջանը դեռ ավարտված չէ եւ առջեւում Հայաստանի հետ կարեւոր հանդիպումն է: Հունիսի 4-ին Սանկտ Պետերբուրգում կայանալիք Եվրոպայի առաջնության Ռուսաստան – Հայաստան հանդիպմանն Արշավինը ցանկանում է նախապատրաստվել պետերբուրգյան Զենիթի մարզաբազայում: Նա այդ խնդրանքով դիմել է ակումբի գլխավոր տնօրենին եւ դրական պատասխանի դեպքում արդեն հինգշաբթի կսկսի մարզումները: Այդ մասին Արշավինը գրել է անձնական կայքում: