նախընտրելի դարձնելՎրաստանի մայրաքաղաք Թբիլիսիում ծավալվող իրադարձությունների արդյունքում մեկ ոստիկան է զոհվել, հայտարարել է Վրաստանի ՆԳՆ վերլուծական բաժնի ղեկավար Շոթա Ուտիաշվիլին: Նա ավելացրել է, որ եւս 19 ոստիկան տուժել է:
Ուտիաշվիլին հայտարարել է, որ ցուցարարները «չեն ենթարկվել ոստիկանների իրավական պահանջին, ուստի ոստիկանությունն ստիպված է եղել ուժ կիրառել»:
«Կազմակերպիչները, լքելով հանրահավքը, մեծ արագությամբ անցնել են մարդկանց զանգվածի միջով: Արդյունքում զոհվել է մեկ ոստիկան», – ասել է Ուտիաշվիլին:
«Ռուսթավի 2» հեռուստաընկերության տվյալներով` ոստիկանին վրաերթի է ենթարկել ընդդիմության առաջնորդներից մեկին պատկանող մեքենան այն պահին, երբ նրանք լքում էին Ռուսթավելի պողոտան: Հեռուստաընկերության ենթադրությամբ` մեքնենան կարող էր պատկանել Նինո Բուրջանաձեի ամուսնեւն` Բադրի Բիցաձեին:
Միջադեպի տեսաձայնգրությունը ցուցադրվել է վրացական հեռուստաալիքներով:
