Հունիսի 4-ին Սանկտ Պետերբուրգում կայանալիք Ռուսաստան – Հայաստան ընտրական խաղում ազգային հավաքականի կազմում 120-րդ անգամ խաղադաշտ դուրս կգա թիմի ավագ Սարգիս Հովսեփյանը: Պետերբուրգի Զենիթի նախկին պաշտպանը ՈւԵՖԱ-ի կայքում պատմել է իր սպասելիքների մասին: Հովսեփյանը նշել է, որ հունիսի 4-ի խաղում կողմերը հավասար հնարավորություններ ունեն: Նա վստահ է, որ սեփական խաղադաշտում ռուսները հարձակողական խաղ կցուցադրեն, առավել եւս որ հաղթանակը զգալիորեն կմոտեցնի ռուսներին եզրափակիչ մրցաշարին: 39-ամյա Հովսեփյանը մրցակից գլխավոր հարավածային ուժ է համարում Անդրեյ Արշավինին եւ Ալեքսանդր Կերժակովին, որոնց հետ խաղացել է Զենիթում: Հայաստանի հավաքականի ավագը հայտարարել է, որ ճանաչում են մրցակցի հզորությունը, սակայն պարտվել չեն պատրաստվում: