նախընտրելի դարձնելԹուրքիայի Տրապիզոն քաղաքի «Չայ բահչեսի» այգում տասնյակ մարդկանց աչքի առաջ Մուհամեդ Քոռը կրակել է երկու հոգու վրա եւ փախել դեպքի վայրից։
Թուրքական Hurriyet-ի փոխանցմամբ՝ այգու սրճարանում 56-ամյա Մուհամեդ Քոռը վիճաբանել է 70-ամյա Յուսուֆ Քուրթի եւ 45-ամյա Սավաշ Շաֆաքի հետ։ Խոսակցությունից պարզ է դառել, որ Քոռը չի կարողանում վերցնել վաճառված հորթի գումարը։
«Գումարը այսօր վերցնելու եմ։ Բոլորը կտեսնեն»,-բղավել է Մուհամեդ Քոռը եւ ատրճանակից կրակել է Շաֆաքի եւ Քուրթի վրա։ Այնուհետ Մուհամեդ Քոռը ատրճանակը թաքցրել է եւ արագ հեռացել դեպքի վայրից։
Ծանր վիրավորված Քուրթն ու Շաֆաքը տեղափոխվել են հիվանդանոց, իսկ Քոռը որոնվում է ոստիկանության կողմից։
