Ռուսաստանի արտաքին գործերի նախարարությունը, մեկնաբանելով չարտոնված ցույցերի մասին Մոսկվայում ԱՄՆ դեսպանատան հրապարակումները, հայտարարել է, որ արմատական տարրերին հրահրելու փորձերը բացասական հետեւանքներ կունենան երկկողմ հարաբերությունների համար, հաղորդում է «ՌԻԱ Նովոստին»:

Ինչպես նշում են ՌԴ ԱԳՆ-ում, առաջին անգամ չէ, որ Մոսկվայում ԱՄՆ դեսպանատունը անտեսում է դիվանագիտական նորմերն ու կանոնները` հաջակցություն Ռուսաստանի քաղաքներում չարտոնված բողոքների ակտիվորեն հաղորդագրություններ տեղադրելով սոցիալական ցանցերում: Ըստ էության, մենք խոսում ենք կեղծավոր կերպով խաղաղ բողոք հայտարարված բռնի գործողությունները խրախուսելու մասին, որում կազմակերպիչները ցինիկորեն ներգրավում են նույնիսկ անչափահասների:

«ԱՄՆ իշխանությունները պետք է լուծեն իրենց խնդիրները, այդ թվում` հաղթահարեն ամերիկյան հասարակության խորը պառակտումը, որը ստեղծվել է սոցիալական անարդարության, անհավասարության եւ այլախոհության հետապնդումների հետեւանքով: Ամերիկյան դիվանագիտության փորձերը, անտեսելով պարկեշտությունը, ըստ էության, արմատական տարրերին հրահրելը, դատապարտված են ձախողման եւ բացասական հետեւանքներ կունենան երկկողմ հարաբերությունների համար»,- հայտնել են ՌԴ ԱԳՆ-ում` նշելով, որ ԱՄՆ դեսպանատան ղեկավարության հետ լուրջ խոսակցություն կլինի ՌԴ ԱԳՆ-ում:

Ավելի վաղ ամերիկյան դիվանագիտական առաքելությունը, Ռուսաստանում ապօրինի գործողությունների մասին լուրերի ֆոնին, հայտարարել էր, որ հետեւում է «Ռուսաստանի 38 քաղաքներում բողոքի գործողությունների մասին հաղորդագրություններին»: ԱՄՆ դեսպանատունը հավելել էր, որ իրենք «սատարում են բոլոր մարդկանց խաղաղ ցույցերի, խոսքի ազատության իրավունքը», եւ Ռուսաստանի իշխանությունների միջոցներն, իբր, «ուղղված են այդ իրավունքները ճնշելուն»: Ավելի վաղ անկարգություններ էին տեղի ունեցել Վաշինգտոնում, որտեղ ոստիկանությունը բերման էր ենթարկել ԱՄՆ նախագահական ընտրությունների արդյունքներից դժգոհողներին: Բայց ԱՄՆ դեսպանատունը չի մեկնաբանել այս իրադարձությունները: