նախընտրելի դարձնելԳերմանիայի իշխանություներն ստուգումներ են իրականացնում Կասելի շրջանի մի ընկերությունում, որը զբաղվել է արտագնա ռեստորանային ծառայությունների մատուցմամբ Գեթինգենից ոչ հեռու բնակավայրերից մեկում կայացած ծննդյան տոնի արարողության ժամանակ: Այս մասին հայտնել են տեղական իշխանությունների ներկայացուցիչները: Մայիսի 28-ին կայացած այդ միջոցառման 8 հյուրերը հիվանդացել են, որոնցից երեքի մոտ հաստատվել է աղիքային վարակը, գրում է Lenta.ru-ն:
Ստուգումները դեռ չեն ավարտվել, հայտնել է Կասելի շրջանի առողջապահության գերատեսչության ներկայացուցիչը, ընկերությունն ակտիվ համագործակցում է իշխանությունների հետ:
Հիշեցենենք, որ Գերմանիայում աղիքային վարակը բռնկվել էր մայիսի սկզբին: Հունիսի 9-ի տվյալներով, հիվանդությունից մահացել է 30 մարդ, որից մեկ մարդ Շվեյցարիայում, մնացածը` Գրեմանիայում: Հիվանդությունն ախտորոշվել է ընդհանուր առմամբ 2,9 հազար մարդու մոտ` եվրոպական 12 երկրում:
