նախընտրելի դարձնելՎրաստան այցելության շրջանակներում, Գարեգին Բ Ամենայն հայոց կաթողիկոսն այսօր` հունիսի 13-ին մեկնել է Ախալցխա, հայտնում է վրացական «Պիրվելի» գործակալությունը:
Ըստ գործակալության, պատվիրակությանը տեղում դիմավորել են պատրիարքարանի հոգեւոր անդամները եւ տեղի ղեկավարության անդամները:
Ախալցխայում հյուրերի համար միջոցառումը տեղի կունենա Թամար թագուհու արձանի մոտ, որից հետո նրանք կայցելեն վանք:
Պատվիրակությունն այցելելու է նաեւ Սուրբ Գրիգոր Լուսավորիչի անվան եկեղեցի, ինչպես նաեւ Ախալցխայի Հովյհաննես Թումանյանի անվան 3 հայկական դպրոց:
Հիշեցնենք, որ հայկական պատվիրակությունը Վրաստան է ժամանել հունիսի 10-ին եւ հայրենիք կվերադառնա հունիսի 15-ին:
