.

Թուրքական դատարանը ձերբակալել է կրիպտոարժույթների առեւտրով զբաղվող Thodex հարթակի տնօրենի քրոջն ու եղբորը

Թուրքական դատարանը ձերբակալել է կրիպտոարժույթների առեւտրով զբաղվող Thodex հարթակի տնօրեն Ֆարհուք Ֆաթիհ Օզերի քրոջն ու եղբորը, հաղորդում է Reuters-ը:  

Վերջին մեկ շաբաթում հաշիվների նկատմամբ հասանելիության արգելափակման ու գումար հանելու գործով ձերբակալվել է 83 մարդ:

Ձերբակալվածների մեծ մասը ազատ է արձակվել:

Thodex հարթակը, որն ամեն օր հարյուր միլիոնավոր դոլարի չափով կրիպտոարժույթ է մշակում, անցած շաբաթ իր կայքում հայտնել է, որ կփակվի 4-5 օրով:

Թուրքիայի ներքին գործերի նախարար Սուլեյման Սոյլուն հայտարարել է, որ Թուրքիան 4 երկրներ Օզերին փնտրելու համար ստորաբաժանումներ է ուղարկել:

ԶԼՄ-ների պնդմամբ՝ Օզերը կարող էր 2 մլրդ դոլար յուրացնել, իսկ Սոյլուն հայտնել է, որ ընկերության պորտֆելը կազմում է 108 մլն դոլար: