նախընտրելի դարձնել
WhatsApp մեսենջերը հայտարարել է, որ չի սահմանափակի օգտատերերին ովքեր չեն ընդունում նոր կանոնները, այս մասին RG-ին ասել է ընկերության ներկայացուցիչը:
«Հաշվի առնելով վերջին քննարկումները պետական պաշտոնյաների եւ անվտանգության փորձագետների հետ` մենք ուզում ենք պարզաբանել, որ չենք սահմանափակելու WhatsApp-ի գործառույթներն այն օգտատերերի համար, ովքեր դեռ չեն ընդունել թարմացումը: Փոխարենը, մենք կշարունակենք նրանց հիշեցնել թարմացման մասին եւ հնարավորություն ընձեռել ընդունել այն, այդ թվում` եթե նրանք որոշեն լրացուցիչ գործառույթներ օգտագործել, օրինակ` շփվել Facebook-ի կողմից աջակցվող բիզնեսի հետ: Հուսով ենք, որ այս մոտեցումը եւս մեկ անգամ կհաստատի այն ընտրությունը, որն ունեն բոլոր օգտատերերը` անկախ նրանից` ցանկանում են համագործակցել բիզնեսի հետ, թե ոչ»,- ասաց WhatsApp- ի ներկայացուցիչը:
Ավելի վաղ «ՌԳ»- ն ուշադրություն էր հրավիրել այն փաստի վրա, որ նոր կանոններից անհետացել է շփման սահմանափակման դրույթն այն օգտատերերի համար, ովքեր դրանց համաձայն չէին: Ընդ որում, բուն կանոններն ընդհանրապես չեն փոխվել այն կանոնների համեմատ, որոնք օգտատերերին առաջարկվում էր ընդունել մինչեւ մայիսի 15-ը:
