նախընտրելի դարձնելՇիրակի մարզում միջին մասնագիտական կրթական օղակներում դիմորդների պակաս կա. նախորդ տարվա նույն ժամանակահատվածի համեմատ 30-ի փոխարեն այս տարի պետական մանկավարժական քոլեջում ընդունել են 7 դիմում: Գյումրիի տարածաշրջանային պետական քոլեջը ընդունել է 12 դիմում: Երկու քոլեջներում էլ NEWS am-ի թղթակցին հայտնել են, որ հետաքրքրվողներ շատ են եղել, եւ դպրոցներում վկայականները ստանալուն պես փաստաթղթերը լիարժեք կդառնան եւ կդիմեն ուսումնական հաստատությանը:
«Անցումը ավագ դպրոցին փոքր ինչ նպաստեց միջին մասնագիտական կրթական հաստատություններում դիմորդների աճին: 9-ամյա կրթության բազայի հիման վրա քոլեջներում կազմակերպվում է կրթություն: Շատերը գերադասւմ են 12 տարի հանրակրթական դպրոցում չմնալ, փոխարենը քոլեջում ստանալ մասնագիտական կրթություն եւ հետո սահուն անցում կատարել դեպի բարձրագույն ուսումնական հաստատություն»,-փոխանցել է պետական մանկավարժական քոլեջի ուսումնական գծով փոխտնօրեն Արտուշ Քոչարյանը:
Ի դեպ Գյումրիի պետական մանկավարժական քոլեջը, որպես պետական ոչ առեւտրային կազմակերպություն, դադարեցրել է իր գործունեությունը: Կառավարության համապատասխան որոշմամբ, այն միացվել է Գյումրիի պետական մանկավարժաական ինստիտուտին:
Իսկ Գյումրիի ճարտարագիտական քոլեջը կառավարության որոշմամբ, անվանափոխվել է` «Պետական տարածաշրջանային» քոլեջի: Լուրջ աշխատանք են տանելու , բացելուն են նոր բաժիններ: Նպատակն այն է, որ միջին մասնագիտական կրթության դերը ժաանակի ընթացքում մեծանա, քոլեջը կարողանա մրցակցային պահանջները բարելավել, ապահովել ուսանողների անհրաժեշտ թիվ: Ի դեպ դիմորդների պակասի պատճառով քոլեջներից հավաստում են, որ կադրային կրճատումներ չեն լինելու:
