նախընտրելի դարձնել
Իսրայելում գործարկվել է աշխարհում մսի արհեստական աճեցման արդյունաբերական առաջին գիծը: Ըստ ամերիկյան Bloomberg վերլուծական գործակալության, Future Meat Technologies-ը խոստանում է օրական 500 կիլոգրամ սինթետիկ միս արտադրել։ Հումքի այս ծավալը պետք է բավարար լինի միջին չափի երեք հազար համբուրգեր արտադրելու համար, հաղորդում է Planet-today-ը:
Future Meat Technologies-ը արհեստական միսը ստեղծում է հատուկ կենսառեակտորներում: Տեղակայանքներում տեղադրվում են կենդանի բջջային մշակաբույսեր, որոնք սնվում են նույն նյութերով, որոնք օգտագործվում են կենդանիներին կերակրելու համար: Այս մոտեցումը թույլ է տալիս բջիջները բազմացնել մինչեւ այն մակարդակ, որի դեպքում դառնում են մսի լիարժեք ուտելի կտորներ:
Իսրայելական ստարտափի մասնագետները նշում են, որ կենսառեկտորներում արհեստական մսի աճեցումն ուղեկցվում է ջերմոցային գազերի արտանետումների զգալիորեն ցածր մակարդակով, քան ավանդական անասնապահության դեպքում՝ տարբերությունը կազմում է 80 տոկոս: Ընդ որում, միս ստանալու նոր մեթոդը չի պահանջում հսկայական տարածքներ, ինչպես նաեւ թույլ է տալիս խնայել ջուրը, որը ավանդական անասնապահության համար անհրաժեշտ ռեսուրս է:
Future Meat Technologies-ի մսի մեկ այլ առավելությունն այն է, որ դրա արտադրությունը քսան անգամ պակաս ժամանակ է պահանջում, քան կենդանիներ աճեցնելն ու մորթելը: Ստարտափի նպատակը բոլորի համար սննդի նոր տեխնոլոգիաների մատչելիությունը բարձրացնելն է:
