նախընտրելի դարձնել
ԵՄ երկրների նախարարները շարունակում են ներգաղթյալների մասին բանակցությունները՝ Բելառուսին մեղադրելով «հիբրիդային պատերազմի» մեջ, հաղորդում է AP-ը:
Նախարարները այսպես կոչված «ճգնաժամին համալիր քաղաքական արձագանքման» ձեւաչափով տեսահամաժողով են անցկացնում:
Նախօրեին Գերմանիայի կանցլեր Անգելա Մերկելը եւ Էստոնիայի վարչապետ Կայա Կալասը Բելառուսի նախագահ Ալեքսանդր Լուկաշենկոյին մեղադրել են «հիբրիդային պատերազմի» մեջ՝ ԵՄ պատժամիջոցներին ի պատասխան Լիտվա, Լատվիա, Էստոնիա եւ Լեհաստան ներգաղթյալների ուղարկելու ճանապարհով:
«Մենք համաձայն ենք, որ դա հիբրիդային ագրեսիա է մարդկանց օգտագործմամբ»,-ասել է Մերկելը: Իր հերթին, Կալասն ասել է, որ դա ոչ թե փախստականների ճգնաժամ է, այլ հիբրիդային հարձակում ԵՄ-ի վրա:
