Ոստիկանության Տաշիրի բաժնի անչափահասների գործերով եւ ընտանիքում բռնության կանխարգելման բաժանմունքի ծառայողները օպերատիվ տվյալ էին ստացել, որ Մեղվահովիտ գյուղի մի բնակիչ հուլիսի կեսերին գողություններ է արել:

Ինչպես NEWS.am–ը տեղեկանում է ոստիկանությունից, ձեռնարկված օպերատիվ-հետախուզական միջոցառումների արդյունքում ձեռք բերվեցին ապացույցներ, ճշտվեց տղամարդու ինքնությունը:

Ալավերդի քաղաքի Թումանյան փողոցի 35-ամյա բնակիչը հայտնաբերվեց եւ, գողություն կատարելու կասկածանքով, բերման ենթարկվեց բաժին: Բացատրական աշխատանքի շնորհիվ նա խոստովանել է, որ, օգտվելով դուռը բաց լինելու հանգամանքից, մտել էր ամառային արոտավայրի՝ բնակության համար նախատեսված վագոն-տնակը եւ գողացել երկու հեռախոս ու լիցքավորման սարք:

Գողոնի մի մասը հայտնաբերվել է:

Դեպքի հանգամանքները պարզվում են: