նախընտրելի դարձնել
Շրի Լանկայի իշխանությունները 10-օրյա լոքդաուն են սահմանել` կորոնավիրուսի տարածումը զսպելու համար, քանի որ վարակման եւ մահվան աճող դեպքերը ծանրաբեռնում են կղզու առողջապահական համակարգը, հայտնում է Reuters- ը:
«Համազգային մեկուսացումը գործում է մինչեւ օգոստոսի 30-ը: Բոլոր հիմնական ծառայությունները կգործեն սովորական ռեժիմով»,- Twitter-ում գրել է առողջապահության նախարար Կեհելիա Ռամբուկվելան:
Առողջապահության ոլորտի աշխատակիցները, կրոնական առաջնորդները, քաղաքական գործիչները եւ գործարարները կոչ են արել անհապաղ համազգային կարանտին սահմանել` վարակների տարածումը սահմանափակելու համար:
Reuters Global COVID tracker-ի տվյալներով` մեկ ամսվա ընթացքում վարակման օրական դեպքերի թիվը կրկնապատկվել է եւ միջինում կազմել 3.897 մարդ:
32 միլիոն բնակիչ ունեցող երկրի հիվանդանոցները ծանրաբեռնված են կորոնավիրուսով հիվանդներով:
Շատ սահմանափակումներ արդեն գործում են. դպրոցները, մարզադահլիճները եւ լողավազանները փակ են, իսկ հարսանիքներն ու երաժշտական շոուներն արգելված են: Իշխանությունները նաև գիշերային պարետային ժամ են սահմանել:
Շրի Լանկայի բնակչության մոտ մեկ քառորդը լիովին պատվաստված է, մեծ մասը` Sinopharm պատվաստանյութով: Շրի Լանկան հաստատել է նաեւ Pfizer, Moderna, AstraZeneca եւ Sputnik V պատվաստանյութերը:
