նախընտրելի դարձնել
Իրանի նախագահ Իբրահիմ Ռաիսին անցկացրեց երկրի նոր կառավարության առաջին նիստը, հաղորդում է IRNA գործակալությունը:
Նիստի ընթացքում Իրանի նախագահը հայտարարեց ժողովրդական կառավարության ղեկավարների հռչակագրի ընդունման մասին, որը նախարարությունների կաբինետի բոլոր անդամները պարտավորվում են ստորագրել:
Հռչակագիրը բաղկացած է տասը կետից, որոնց կառավարությունը պետք է հետեւի: Դրանց թվում է հակակոռուպցիոն պայքարը, օրենքի գերակայությունը եւ մարդկանց կարիքները՝ որպես իշխանությունների կողմից որոշումների կայացման առաջնահերթություն:
Ռաիսիի առաջարկած գրեթե բոլոր նախարարները հավանության են արժանացել խորհրդարանի կողմից: Մեջլիսից հավանություն չստացած 19 թեկնածուներից միակ թեկնածուն Հոսեյն Բագոլին էր, ով առաջադրվել էր կրթության նախարարի պաշտոնի համար:
