ՀՀ կառավարությունը համաձայնություն է տվել ՀՀ կառավարության եւ «Լինսի» հիմնադրամի միջեւ Փոխըմբռնման վերաձեւակերպված հուշագրի կնքման առաջարկությանը: Սա նշանակում է, որ հիմնադրամը շարունակելու է աղետի գոտու մարզերում նախորդ տարիներին ծայր առած դպրոցաշինության ծրագիրը` այդ նպատակին տրամադրելով 12 մլն ԱՄՆ դոլարին համարժեք դրամ: Վարչապետ Տիգրան Սարգսյանը շնորհակալություն է հայտնել «Լինսի» հիմնադրամի գործընկերներին եւ նշել, որ դպրոցաշինությունը հիմնադրամի իրականացրած ամենահաջողված ծրագիրն է, որի շնորհիվ Հայաստանում ներդրվեցին շինարարության լավագույն չափանիշներ: Այս մասին NEWS.am-ը տեղեկանում է կառավարության մամուլի ծառայությունից: