Առողջապահության համաշխարհային կազմակերպությունը հայտարարել է, որ օմիկրոն տարբերակը կարող է վարակել եվրոպացիների կեսից ավելին, եւ կորոնավիրուսը դեռեւս չպետք է գրիպի նման էնդեմիկ հիվանդություն համարվի:

Եվրոպայում ավելի քան 7 միլիոն նոր դեպք է գրանցվել 2022 թվականի առաջին շաբաթվա ընթացքում՝ ավելի քան երկու անգամ երկշաբաթյա ժամանակահատվածում, ճեպազրույցում ասել է ԱՀԿ Եվրոպայի տնօրեն Հանս Կլյուգեն։

«Այս տեմպերով Առողջապահության չափումների եւ գնահատման ինստիտուտը կանխատեսում է, որ տարածաշրջանի բնակչության ավելի քան 50 տոկոսը կվարակվի օմիկրոնով առաջիկա 6-8 շաբաթվա ընթացքում»,- ասել է Կլյուգեն:

Ըստ Կլյուգեի՝ Եվրոպայի եւ Կենտրոնական Ասիայի 53 երկրներից 50-ը հայտնել են ավելի վարակիչ տարբերակով վարակման դեպքերի մասին: Սակայն ապացույցներ են հայտնվում, որ օմիկրոնն ավելի շատ ազդում է վերին շնչուղիների վրա, քան թոքերի՝ ավելի մեղմ ախտանիշներ առաջացնելով, քան նախորդ տարբերակները: Բայց ԱՀԿ-ն նախազգուշացրել է, որ դա ապացուցելու համար լրացուցիչ հետազոտություններ են անհրաժեշտ:

Ավելի վաղ Իսպանիայի վարչապետ Պեդրո Սանչեսն ասել էր, որ ցուցե ժամանակն է փոխել COVID-19-ի էվոլյուցիային հետեւելու ձեւը եւ օգտագործել գրիպի մոնիտորինգի նման մեթոդ կիրառել: Դա վիրուսը որպես էնդեմիկ հիվանդություն բուժել կնշանակեր, այլ ոչ թե՝ համավարակի՝ առանց յուրաքանչյուր դեպք գրանցելու եւ ախտանիշներով բոլոր մարդկանց թեստավորելու:

Բայց «դրան դեռ շատ կա», ճեպազրույցում հայտարարել է ԱՀԿ-ի Եվրոպայի արտակարգ իրավիճակների ավագ սպա Քեթրին Սմոլվուդը՝ հավելելով, որ էնդեմիկությունը կայուն եւ կանխատեսելի փոխանցում է պահանջում: «Մենք դեռ հսկայական անորոշություն եւ վիրուս ունենք, որը բավականին արագ է զարգանում՝ նոր խնդիրներ ստեղծելով։ Մենք, իհարկե, այն կետում չենք, որ կարողանանք այն էնդեմիկ անվանել»,- ասել է Սմոլվուդը: