Ուկրաինայի նախագահ Վլադիմիր Զելենսկին համաշխարհային հանրությանը կոչ է արել ահաբեկչական պետություն ճանաչել Ռուսաստանի Դաշնությունը, հաղորդում է «Укринформ»-ը։

«Խարկովի կենտրոնական հրապարակի հրթիռակոծումը բացահայտ, անթաքույց ահաբեկչություն է։ Ոչ ոք չի ների։ Խարկովի ուղղությամբ այդ հարվածը ռազմական հանցագործություն է։ Սա Ռուսաստանի Դաշնության պետական ​​ահաբեկչությունն է։ Այսուհետ Ռուսաստանն ահաբեկչական պետություն է։ Ակնհայտ է, որ դա պետք է պաշտոնապես ճանաչել։ Աշխարհի բոլոր պետություններին կոչ ենք անում անհապաղ արձագանքել ագրեսորի այս հանցավոր մարտավարությանը եւ Ռուսաստանը հռչակել ահաբեկչական պետություն։ Մենք պահանջում ենք, որպեսզի ահաբեկիչները միջազգային ատյաններում պատասխանատվության ենթարկվեն »,- ընդգծել է Զելենսկին։