նախընտրելի դարձնել
ԱՄԷ-ն չորս ամսով դադարեցնում է ցորենի եւ ցորենի ալյուրի արտահանումն ու վերաարտահանումը Հնդկաստանից՝ հացահատիկային աշխարհում երկրորդ խոշորագույն արտադրողից, հաղորդում է պետական WAM լրատվական գործակալությունը։
Երկրի էկոնոմիկայի նախարարությունը որպես իր որոշման պատճառ նշել է համաշխարհային առեւտրային հոսքերի խախտումները՝ հավելելով, որ Հնդկաստանը հավանություն է տվել ցորենի արտահանմանն ԱՄԷ ներքին սպառման համար։
Հնդկաստանը մայիսի 14-ին արգելել էր ցորենի արտահանումը, բացառությամբ այն դեպքերի, որոնք ապահովված են արդեն իսկ թողարկված ակրեդիտիվներով եւ պարենային անվտանգության ապահովմանը ձգտող երկրներից։
Ընկերությունները, որոնք ցանկանում են մինչեւ մայիսի 13-ն արտահանել կամ վերաարտահանել ԱՄԷ ներմուծված հնդկական ցորենը, երբ սկսվեց Հնդկաստանի մատակարարումների սառեցումը, նախ պետք է դիմեն էկոնոմիկայի նախարարություն։
Փետրվարին ԱՄԷ-ն եւ Հնդկաստանն առեւտրի եւ ներդրումային լայն պայմանագիր ստորագրեցին, որի նպատակն է նվազեցնել ապրանքների բոլոր մաքսատուրքերը եւ հինգ տարվա ընթացքում ավելացնել իրենց տարեկան առեւտուրը մինչեւ 100 միլիարդ դոլար:
Պակտը, որը հայտնի է որպես Համապարփակ տնտեսական գործընկերության առեւտրային համաձայնագիր (CEPA), ուժի մեջ է մտել մայիսի 1-ին։
