նախընտրելի դարձնել
Ինչպես գրում է «Կոմերսանտ»-ը, Ղազախստանը ԵՄ երկրներ է մատակարարել 1,5 մլն տոննա ածուխ հունվարից մայիս ընկած ժամանակահատվածում, ինչը գրեթե երկու անգամ ավելի է, քան ամբողջ 2021 թվականին։ Այս մասին վկայում են Եվրոստատի տվյալները։
Եթե հունվար եւ փետրվար ամիսներին մատակարարումների ծավալը կազմում էր մոտ 140-200 հազար տոննա, ապա Ուկրաինայում Ռուսաստանի Դաշնության ռազմական գործողությունների մեկնարկից հետո Ղազախստանն ամեն ամիս ԵՄ է ուղարկում 300-400 հազար տոննա։ Ընդ որում, օրինակ, մեկ տարի առաջ ապրիլ-մայիսին ղազախական ածխի արտահանումը Եվրոպա կազմել է ընդամենը 60-70 հազար տոննա։ Եվրոպան մտադիր է հրաժարվել ռուսական ածխից՝ ի պատասխան Ուկրաինայում մարտերին։
Սահմանված էմբարգոն ենթադրում է բոլոր պայմանագրերի ավարտ օգոստոսին։ Մայիսին ԵՄ-ն կտրուկ ավելացրեց ածխի մատակարարումները Ռուսաստանից մինչեւ 4,7 միլիոն տոննա, սակայն հունիսին արդեն անկում է նկատվում։ Ռուսական ածխից հրաժարվելը հեշտ չի լինի Եվրոպայի համար, սակայն այն մասամբ կարող են փոխարինել Ինդոնեզիան, Ավստրալիան, Հարավային Աֆրիկան եւ Կոլումբիան։
Միեւնույն ժամանակ եվրոպացի սպառողները այլընտրանքային տարբերակներ են ուսումնասիրում, այդ թվում՝ Ղազախստանը, Տանզանիան եւ Նիգերիան" Ղազախստանը ածուխ է արտահանում Եվրոպա տարանցիկ ճանապարհով Ռուսաստանի տարածքով։ «Մենք տարբեր ճանապարհներ ունենք, կարող ենք վաճառել Բալթյան երկրների, Ռուսաստանի Հեռավոր Արեւելքի եւ Սեւծովյան նավահանգիստների միջոցով։ Գլխավորն այն է, որ մեզ պետք է ելք դեպի ծով։ Ընդհանրապես, մենք Ռուսաստանի եւ Բելառուսի հետ ստեղծեցինք միասնական տնտեսական տարածք, որպեսզի օգտագործենք այդ երկրների տարանցիկ տարածքները, որպեսզի կարողանանք ծով դուրս գալ»,-ասել է Լեռնահանքային եւ մետալուրգիական ձեռնարկությունների ասոցիացիայի ղեկավար Նիկոլայ Ռադոստովեցը:
