ԱՄՆ-ն եւ Չինաստանը մոտ են համաձայնությանը, որը թույլ կտա ԱՄՆ հաշվապահական հաշվառման կարգավորող մարմիններին մեկնել Հոնկոնգ՝ ԱՄՆ-ում գրանցված չինական ընկերությունների աուդիտական գրառումները ստուգելու համար, գրում է Wall Street Journal-ը:

Պեկինում արժեթղթերի կարգավորիչները բանակցություններ են վարում, որպեսզի Նյու Յորքում գրանցված չինական ընկերությունները եւ դրանց հաշվապահական ընկերություններն աուդիտի աշխատանքային փաստաթղթերը եւ այլ տվյալներ Չինաստանից Հոնկոնգ փոխանցեն, հավելել է պարբերականը՝ վկայակոչելով տեղեկացված աղբյուրները։

Այնուհետև ԱՄՆ պետական ընկերություններում հաշվապահական հաշվառման վերահսկողության խորհրդի (PCAOB) կարգավորիչները տեղում ստուգումներ կիրականացնեն: