նախընտրելի դարձնել
Նիկոլ Փաշինյանն օգտվում է այն հանգամանքից, որ ընդդիմությունն ու ընդդիմադիր լրատվամիջոցները միասնական չեն, իսկ իր թիմը միասնական է։ Այս մասին լրագրողների հետ զրույցում ասաց քաղտեխնոլոգ Կարեն Քոչարյանը։
Ընդդիմությունը չունի մեկ առաջնորդ եւ չկա ծրագիր։
«Ինչպե՞ս են լուծվելու սոցիալական, տնտեսական, քաղաքական, դիվանագիտական խնդիրները։ Եթե ամեն ինչ լինի կենացների մակարդակի վրա, ապա ոչ մի խնդիր չի լուծվի։ Ես գիտեմ շատ մասնագետների, որոնք կարող են իրենց օգնել, բայց չեն գնում նրանց մոտ, քանի որ այստեղ էլ միասնություն չկա»,-հավելեց Քոչարյանը։
Ինչ վերաբերում է Ռուբեն Վարդանյանին, փորձագետը նշեց, որ նա դեռ քաղաքականության առաջնագծում չի եղել, ոչ միանշանակ գործիչ է, բայց նրա հայտարարություններն ու գործողությունները ստիպում են մտածել։
Արցախ տեղափոխվելու մասին նրա հայտարարությունը, ըսռ Քոչարյանի, անտարբեր ժողովրդին կստիպի կասկածի տակ դնել Արցախը լքելու նպատակահարմարությանը։
Այս առումով փորձագետը Վարդանյանի որոշումը որակեց իդեալական քայլ։
«Քաղաքական դաշտում Վարդանյանի թերությունն այն է, որ հայ հասարակությունը չի սիրում հարուստներին։ Բացի այդ, նա երիտասարդ տարիքում հեռացել է Հայաստանից եւ ծանոթ չէ այսօրվա հասարակության մտածելակերպին ու կարիքներին»,-նշեց նա։
«Իշխանություններին սպառնացող ամենամեծ սպառնալիքն այն է, որ նրանց միակ զենքը «նախկին թալանչիներ» էպիտետն է։ Սակայն Վարդանյանի վրա այս պիտակը չեն կարողանա կախել»,- նշեց Քոչարյանը։
