նախընտրելի դարձնելՀայաստանի ԱԳ նախարար Էդվարդ Նալբանդյանը սեպտեմբերի 2-ին Դուշանբեում կմասնակցի ԱՊՀ ԱԳ նախարարների խորհրդի նիստին:
ԱԳՆ մամուլի ծառայությունից NEWS.am-ին հայտնում են, որ ԱԳՆ խորհրդի նիստին կքննարկվեն ԱՊՀ պետությունների ղեկավարների նիստին ներակայացվելիք փաստաթղթերի նախագծերը, միջազգային օրակարգի տարբեր հարցեր:
Նախատեսվում է նաեւ մի շարք փաստաթղթերի նախագծերի քննարկում, որոնք միտված են հավելյալ լիցք հաղորդել իրավապահ, անվտանգության եւ ահաբեկչության դեմ պայքարի բնագավառներում համագործակցությանը:
Նիստի օրակարգում է «ԱՊՀ քսանամյա գործունեության արդյունքները եւ հեռանկարային խնդիրները» խորագրով վերլուծական զեկույցի քննարկումը: Նախարարները կանդրադառնան 2007 թ. ընդունված ԱՊՀ հետագա զարգացման հայեցակարգի իրականացման ընթացքին:
