նախընտրելի դարձնել
Audi ընկերությունը ներկայացրել է Q8 e-tron էլեկտրական քրոսովերը եւ դրա կուպեանման Sportback տարբերակը։
Նորույթը դարձել է չորս տարի առաջ թողարկված օրիգինալ e-tron մոդելի իրավահաջորդը, փոխվել է արտաքինից եւ ստացել ավելի տարողունակ մարտկոց։ Բազային մոդելները հագեցած են երկու էլեկտրական շարժիչներով՝ 340 ձիաուժ ընդհանուր հզորությամբ եւ 664 Նմ պտտեցման պահով։ Audi Q8 50 e-tron-ի ընթացքը 491 կմ է, իսկ Q8 Sportback 50 e- tron-ինը՝ 505 կմ (WLTP ցիկլով):
Q8 55 E-tron-ի եւ Q8 Sportback 55 e-tron-ի փոփոխությունները կստանան երկու շարժիչ (408 ձիաուժ եւ 664 Նմ), մեկ լիցքավորմամբ էլեկտրական մեքենաները կարող են հաղթահարել համապատասխանաբար 582 եւ 600 կմ: SQ8 e-tron-ի եւ SQ8 Sportback e-tron-ի ամենահզոր տարբերակները հագեցած են երեք էլեկտրական շարժիչներից բաղկացած էլեկտրակայանով, որոնք արտադրում են 517 ձիաուժ եւ 973 Նմ։
Նորույթի սրահում տեղադրված են երեք էկրաններ, որոնցից երկուսը (10,1 եւ 8,6 դյույմ անկյունագծով) ունեն սենսորային հսկողություն ։ Audi-ի նոր էլեկտրական մեքենայի սրահի շատ մասեր պատրաստված են վերամշակված նյութերից, օրինակ ՝ պոլիէթիլենտերեֆտալատ շշերից։
Audi Q8 e-tron-ի նախնական պատվերների մեկնարկը կտրվի նոյեմբերի կեսերին, Գերմանիայի եւ ԵՄ այլ երկրների շուկա առաջին առաքումները նախատեսված են հաջորդ տարվա փետրվարին: Քրոսովերների արժեքը սկսվում է 74,4 հազար եվրոյից։
