նախընտրելի դարձնել
Քուվեյթի թագաժառանգը վարչապետի պաշտոնում վերանշանակել է շեյխ Ահմադ Նավաֆ ալ-Սաբահին եւ նրան խնդրել է նախարարների կաբինետ կազմել, հայտնում է KUNA պետական լրատվական գործակալությունը։
Կառավարության եւ ընտրված խորհրդարանի միջեւ երկարատեւ դիմակայությունը խոչընդոտել է՝ Պարսից ծոցի հարուստ նավթ արտադրողի հարկաբյուջետային բարեփոխումներ իրականացնելու ջանքերը, ներառյալ պարտքի մասին օրենքը, որը թույլ է տալիս Քուվեյթին դուրս գալ միջազգային շուկաներ:
Թագաժառանգ շեյխ Մեշալ ալ-Ահմեդ աս-Սաբահը, ով ստանձնել է իշխող էմիրի պարտականությունների մեծ մասը, անցյալ տարի որոշել է վերջ տալ թշնամանքին՝ Շեյխ Ահմադին նշանակելով վարչապետ, ցրելով խորհրդարանը եւ նշանակելով արտահերթ ընտրություններ, որոնց արդյունքներով հաղթել է ընդդիմությունը:
Լարվածությունը վերսկսվել է, երբ օրենսդիրները ճնշում են գործադրել կառավարության վրա՝ պարտքերի մարման օրինագծի շուրջ, որը թույլ էր տալիս պետությանը անձնական վարկեր գնել Քուվեյթի քաղաքացիներից եւ փորձել հարցաքննել երկու նախարարների, ինչը հանգեցրել է կառավարության հրաժարականին հունվարին:
Քուվեյթում արգելված են քաղաքական կուսակցությունները, սակայն օրենսդիր մարմինն ավելի մեծ ազդեցություն ունի, քան Պարսից ծոցի մյուս միապետությունների նմանատիպ մարմինները:
Չնայած Քուվեյթն ունի ուժեղ բյուջետային եւ արտաքին հավասարակշռություն, հաճախակի քաղաքական բախումները եւ ինստիտուցիոնալ փակուղին խոչընդոտել են ներդրումներն ու բարեփոխումները, որոնք ուղղված են նավթային եկամուտներից կախվածության նվազեցմանը:
