նախընտրելի դարձնել
Ստոկհոլմում Իրաքի դեսպանատան դիմաց ցուցարարները չեն այրել Ղուրանը, ինչպես նախապես սպասվում էր, սակայն ցուցարարներից մեկը տրորել է այն: Հայտնում է Agence France-Presse-ը։
«Երեսունյոթամյա Սալվան Մոմիկան տրորել և ոտքով հարվածել է Ղուրանը, բայց դուրս է եկել ցույցից՝ չվառելով գիրքը, ինչպես դա արեց մեկ ամիս առաջ՝ Ստոկհոլմի գլխավոր մզկիթի մոտ նմանատիպ բողոքի ցույցի ժամանակ»,- հայտնում է գործակալությունը։
Ավելի վաղ գործակալությունը հայտնել էր, որ Շվեդիայի ոստիկանությունը չորեքշաբթի թույլտվություն է տվել Ստոկհոլմում Իրաքի դեսպանատան մոտ Ղուրանի այրմամբ ցույց անցկացնելու համար։
Լրատվամիջոցները հայտնում են, որ այս ֆոնին հարյուրավոր ցուցարարներ հինգշաբթի վաղ առավոտյան ներխուժել են Բաղդադում Շվեդիայի դեսպանատուն և հրկիզել այն։
Դեսպանատան աշխատակիցներից ոչ ոք չի տուժել։ Ցույցը կազմակերպվել է Շվեդիայում՝ Ղուրանի այրման փորձի ակցիայի նախօրեին:
