նախընտրելի դարձնել
Հուլիսի 30-ի առավոտյան կանխվել է Մոսկվա քաղաքի օբյեկտների վրա Կիևի ռեժիմի կողմից ԱԹՍ-ներով ահաբեկչական հարձակման փորձը։ Այս մասին հայտնում է ՌԴ պաշտպանության նախարարությունը։
Մոսկվայի մարզի Օդինցովո շրջանի տարածքում հակաօդային պաշտպանության միջոցներով օդում ոչնչացվել է մեկ ուկրաինական անօդաչու։
Եվս երկու ԱԹՍ ճնշվել է ռադիոէլեկտրոնային պայքարի միջոցներով և, կորցնելով կառավարումը, կործանվել Մոսկվա-Սիթի համալիրի ոչ բնակելի շենքերի տարածքում։
ՏԱՍՍ-ի փոխանցմամբ՝ Մոսկվայի քաղաքապետ Սերգեյ Սոբյանինը հայտնել է, որ հարձակման հետևանքով վնասվել են Մոսկվա-Սիթիի երկու աշտարակների ճակատամասերը։
«IQ թաղամասի» 50 հարկանի շենքում ջարդվել են հինգերորդ և վեցերորդ հարկերի ապակիները։
Մոսկվա-Սիթի համալիրի շենքերից մարդկանց տարհանել են, իսկ «Օկո-2» աշտարակում փշրվել են առաջինից չորրորդ հարկերի պատուհանները։
Արտակարգ պատահարի պատճառով փակվել էր մայրաքաղաքի Վնուկովո օդանավակայանը։ Ավելի ուշ օդանավակայանը վերաբացվել է։
Թռիչքներն արգելվել են Մոսկվա քաղաքի և Մոսկվայի մարզի օդային գոտում։
Անօդաչու թռչող սարքի հարձակման արդյունքում մեկ մարդ է տուժել, վիրավորվել է «Օկո-2» աշտարակի պահակը։ Զոհեր չկան։
