նախընտրելի դարձնել
ՄԱԿ-ին կից Կլիմայի փոփոխության հարցերով միջկառավարական հանձնաժողովի նոր ղեկավարը դեմ է արտահայտվել «կլիմայական խուճապին»։
Լոնդոնի Կայսերական քոլեջի պրոֆեսոր Ջիմ Սկիան ընդամենը մի քանի օր առաջ դարձավ Կլիմայի փոփոխության հարցերով միջկառավարական հանձնաժողովի (IPCC) նոր ղեկավար։ Սակայն գիտնականն արդեն ձևակերպել է առանցքային ուղերձը․ մենք պետք է ձերբազատվենք կլիմայական խուճապից և ողջախոհություն դրսևորենք։
«Անընդհատ կրկնելը, թե բոլորս դատապարտված ենք, կաթվածահար է անում մարդկանց և թույլ չի տալիս նրանց անհրաժեշտ միջոցներ ձեռնարկել կլիմայի փոփոխության դեմ պայքարելու համար», - ասել է Սկիան Deutsche Presse Agentur-ին տված հարցազրույցում: Der Spiegel-ին տված հարցազրույցում բրիտանացին ավելացրել է․ «Աշխարհը չի վերջանա, եթե մեկուկես աստիճանից ավելի տաքանա»:
Այսպիսով, Սկիանքննադատել է այն սցենարները, որոնց մասին վերջին շրջանում խոսում են կլիմայի արմատական ակտիվիստները։ «Կլիմայի փոփոխության դեմ պայքարի տեխնոլոգիաները և գործիքները հասանելի են, դրանք պարզապես պետք է կիրառել: Մարդկության ապագան մեր ձեռքերում է։ Եկեք օգտվենք դրանից», - ասել է Սկիան, տեղեկացնում է BILD-ը:
Բազմաթիվ երկրների ղեկավարների համար IPCC-ի զեկույցները դառնում են բնապահպանության ոլորտում որոշումների կայացման կարևորագույն հիմքը:
