Այսօր` ժամը 12:00-ի սահմաններում, ոստիկանության  Մաշտոցի բաժին ահազանգ է ստացվել, որ Արզումանյան փողոցում օդաճնշիչ զենքից կրակել են 18 համարի ավտոբուսի ուղղությամբ։ Այս մասին NEWS.am-ին հայտնեց ոստիկանության ԶԼՄ-ների հետ կապի լրատվության և վերլուծության բաժնի պետ Զարզանդ Գաբրիելյանը։

Կրակոցի հետեւանքով  վնասվել է ավտոբուսի հետևի ապակին, տուժածներ չկան:

Ոստիկանությունում կազմվում են համապատասխան փաստաթղթեր նախաքննական մարմին ուղարկելու համար: